Achainí.

Forghairm.

Deimhniú seirbheála.

Mionnscríbhinn gur seirbheáladh an fhorghairm.

Taifeadadh láithris.

Freagra.

Banna chun Costais an Bhanchéile a Urrú

Deimhniú aitheantais.

Mionn na lia-chigirí.

Uimh. 1.

O. 70, r. 1

ACHAINÍ.

_______

An Ard-Chúirt

Pósadh

_______

20…. Uimh. .....

Idir

A.B.,

Achainíoch

agus

C.B.,

Freagróir.

Don Ard-Chúirt.

San achainí umhal ó A.B., as.............., léirítear mar a leanas:

1. Ar an [dáta] pósadh an t-achainíoch go dleathach leis an bhfreagróir, C.B., arbh é C.D. ab ainm di agus ar (bhean shingil nó bhaintreach) í an uair sin, in eaglais.............i  ...............

2. In Éirinn atá sainchónaí ar an achainíoch agus ar an C.B. sin, faoi seach, agus an tráth a pósadh iad is i..............a bhí sainchónaí orthu.

3. Tar éis a phósta amhlaidh chónaigh an t-achainíoch, agus rinne aontíos, leis an mbanchéile sin aige i..............agus i.............. agus saolaíodh..............leanbh den phósadh.

4. Ar an ..............lá de.............., 20.............., agus laethanta eile idir an lá sin agus.............., rinne an C.B. sin adhaltranas le R.S. i..............i gContae.............., agus in áiteanna eile nach feasach go sonrach don achainíoch faoi láthair.

5. I mí Eanáir, mí Feabhra agus mí an Mhárta, 20.............., thug an C.B. sin cuairt go minic ar an R.S. sin i..............agus ..............ar ócáidí áirithe acu sin rinne sí adhaltranas leis an R.S. sin.

6. Tá cónaí ar an achainíoch i..............agus is..............é;

agus tá cónaí ar an C.B. sin i...............

Impíonn an t-achainíoch dá bhrí sin go dtogróidh an Chúirt Onórach seo foraithne a dhéanamh: [leag amach anseo an faoiseamh atá á lorg].

Agus go dtabharfaí don achainíoch cibé faoiseamh breise agus eile sna cúrsaí réamhráite is cuí leis an gCúirt seo.

Arna dhátú..............
[Síniú an achainígh] ..............
[Síniú a abhcóide] ..............

_______
 

Uimh. 2.

O. 70, r. 6

FORGHAIRM.

_______

[Heading as in Form Uimh. 1].

[Ceannteideal mar atá i bhFoirm Uimh. 1].

Do C.B., as..............

De bhrí go ndearna A.B., as etc., á éileamh dó gur pósadh é go dleathach le.............., comhdú ar achainí uaidh in aghaidh    san Ard-Chúirt, á impí go..............agus go bhfuil sé líomhnaithe aige san achainí sin go bhfuil tú ciontach in adhaltranas [nó go bhfuil tú ciontach i gcruálacht le.............., an..............sin nó de réir mar a bheidh]: Anois cuirtear d’aithne ort leis seo láithriú san Ard-Chúirt, laistigh d’ocht lá tar éis an fhorghairm seo a sheirbheáil ort, agus lá na seirbheála sin san áireamh, chun freagra a thabhairt san am agus san áit sin ar an achainí sin, a bhfuil cóip di, arna séalú le séala na hArd-Chúirte, á seirbheáil ort leis seo. Agus bíodh seo ina fhógra mura ndéanfaidh tú amhlaidh go rachaidh an Ard-Chúirt i mbun éisteachta ar chruthúnas ar an gcúiseamh [nó na cúisimh] sin i gcúrsa cuí an dlí agus go dtabharfaidh pianbhreith sa chéanna, d’ainneoin tú a bheith as láthair. Agus bíodh seo ina fhógra thairis sin nach foláir duit, chun na críche réamhráite, freastal i bpearsa nó trí d’aturnae sa Phríomh-Oifig, na Ceithre Chúirt, Baile Átha Cliath, agus láithreas a thaifeadadh ansin, agus cheal a dhéanta sin, nach gceadófar duit, ar chéim ar bith de na himeachtaí, an Chúirt a aitheasc, i bpearsa ná trí abhcóide.

Arna dhátú..............
(Arna shíniú) ..............
Cláraitheoir.

_______

Uimh. 3.

O. 70, r. 11

DEIMHNIÚ SEIRBHEÁLA.

_______

Seirbheáladh an fhorghairm seo go cuí ar an té atá ainmnithe istigh, C.B., as.............., agamsa, an sínitheoir seo thíos, an..............lá de..............20...............

(Arna shíniú) ..............

_______

Uimh. 4.

O. 70, r. 15

MIONNSCRÍBHINN GUR SEIRBHEÁLADH AN FHORGHAIRM.

_______

[Ceannteideal mar atá i bhFoirm Uimh. 1].

Mionnaímse, G.H., as.............., atá..............bliana d’aois agus os a chionn, agus deirim mar a leanas:—

1. Rinne mé an fhorghairm dar dáta an..............lá de ..............20.............., a eisíodh faoi shéala na hArd-Chúirte in aghaidh C.B., an freagróir, sa chúis seo agus atá anois i gceangal leis seo, agus an litir ‘‘A’’ marcáilte uirthi, a sheirbheáil go cuí ar an C.B. sin, i..............i gContae                         .............., tríd an bhforghairm bhunaidh faoi shéala a thaispeáint di agus trí chóip dhílis di a fhágáil aici, an..............lá de.............., 20...............

2. San am agus san áit chéanna sheachaid mé ar an C.B. sin go pearsanta cóip dheimhnithe, faoi shéala na hArd-Chúirte, den achainí a comhdaíodh sa chúis seo, agus ag an am sin bhí súilaithne agam ar an C.B. sin.

Arna mhionnú, etc.

______

Uimh. 5.

O. 70, r. 16

TAIFEADADH LÁITHRIS.

_______

[Ceannteideal mar atá i bhFoirm Uimh. 1].

[Líon isteach mar a léirítear sa sampla i bhFoirm Uimh. 1 i bhFoscríbhinn A, Cuid II].

_______

Uimh. 6.

O.70, r. 20

FREAGRA.

_______

[Ceannteideal mar atá i bhFoirm Uimh. 1].

Mar fhreagra ar an achainí a comhdaíodh sa chúis seo, deir an freagróir C.B. trí K.L., a haturnae [nó i bpearsa], mar a leanas:

1. Séanann sí go ndearna sí adhaltranas le R.S., mar atá leagtha amach san achainí sin.

2. Ar an..............lá de.............., 20.............., agus laethanta eile idir an lá sin agus.............., rinne an A.B. sin i..............i gContae.............., adhaltranas le X.Y.
   [Ar an dul sin thuas, luadh an freagróir cúlcheadú, maitheamh, nó nithe eile ar a bhfuil a seasamh mar fhoras chun an achainí a dhíbhe.]

Uime sin impíonn an freagróir seo go humhal go dtogróidh an Chúirt Onórach seo diúltú d’impí na hachainí sin agus foraithne a dhéanamh go etc.

Arna dhátú
(Arna shíniú)

_______

Uimh. 7.

O. 29, r. 7.

BANNA CHUN COSTAIS AN BHANCHÉILE A URRÚ.

_______

Bíodh a fhios ag cách ón ngníomhas seo go bhfuilimidne, A.B. as etc., P.Q. as       etc., agus R.S. as etc., gafa faoi cheangal docht ag Máistir na hArd-Chúirte i suim phionósach ... euro atá le híoc le X.Y., aturnae thar ceann C.B., agus i ngeall lena híoc go hiomlán agus go hionraic go bhfuilimid dár gcur féin, ár n-oidhrí, ár seiceadóirí nó ár riarthóirí, agus gach duine dínn, faoi cheangal docht leis an ngníomhas seo i leith an iomláin.

Arna shéalú lenár séalaí.

Arna dhátú an ...... lá de ....... 20 .... .

De bhrí go bhfuil cúis áirithe ar feitheamh anois san Ard-Chúirt idir A.B., achainíoch, de pháirt, agus C.B., freagróir, den pháirt eile.

Agus de bhrí, le deimhniú faoina láimh a rinneadh sa chúis an .... lá de .... 20 ..., gur dheimhnigh an Breithneoir Costas Dlí gur leor .... euro a íoc isteach sa Chúirt faoi chomhair chostais an fhreagróra (nó an achainígh) sin i leith, agus as siocair, éisteacht na cúise sin [nó ar dhóigh eile mar atá ráite i ndeimhniú an Bhreith-neora Costas Dlí], nó gur leorurrús le tabhairt in aghaidh na gcostas réamhráite banna faoi láimh agus faoi shéala an A.B. sin maille le beirt leorurra, i suim phionósach ... euro, agus é de choinníoll sa bhanna sin go n-íocfar an méid de chostais an C.B. sin a dheimhneofar a bheith dlite ón A.B. sin agus iníoctha aige, gan a méid a dhul thar an tsuim sin ... euro [nó ar dhóigh eile de réir mar atá sa deimhniú] agus fógra ... uair an chloig i dtaobh na n-urraí sin a bheith le tabhairt d’aturnae an C.B. sin. Anois is é coinníoll an bhanna seo: Más rud é go n-íocfaidh A.B. atá faoi cheangal mar a luaitear thuas, a oidhrí, a sheiceadóirí nó a riarthóirí, nó go gcuirfidh siad faoi deara go n-íocfar, go hiomlán agus go hionraic, le X.Y. thuasainmnithe, lena oidhrí, lena sheiceadóirí, lena riarthóirí nó lena shannaithe, suim iomlán .... nó costais dhleathacha an C.B. sin, an freagróir [nó an t-ach-ainíoch] i leith, agus as siocair, éisteacht agus thriail na cúise seo [nó ar dhóigh eile mar atá ráite sa deimhniú] go feadh ... euro, ansin ar an gcoinníoll sin a chomhlíonadh beidh an banna seo ar neamhní agus gan éifeacht, ach mura gcomhlíonfar é, fanfaidh an céanna i lánfheidhm agus i lánéifeacht.

Arna shíniú, arna shéalú agus arna sheachadadh, etc.

_______

Uimh. 8.

O. 70, r. 32(7)

DEIMHNIÚ AITHEANTAIS.

_______

[Ceannteideal mar atá i bhFoirm Uimh. 1].

Ag....................Dé...................., an....................lá de....................20....................,

tháinig go pearsanta i láthair an Chláraitheora thíos-

sínithe....................as....................

agus

as...................., a ceapadh le hordú ón Ard-Chúirt, dar dáta...................., ina gcigirí chun scrúdú a dhéanamh ar bhaill agus orgáin ghiniúna...................., an t-achainíoch sa chúis, agus freisin ar bhaill agus orgáin ghiniúna, an freagróir sa chúis, agus chun tuarascáil a thabhairt i dtaobh an scrúdaithe sin; agus cuireadh na cigirí sin faoi mhionn go cuí chun scrúdú a dhéanamh agus tuarascáil a thabhairt de réir théarmaí an mhionna is gnách a chur i gcásanna dá leithéid. Tháinig i láthair go pear-santa an....................sin, an t-achainíoch, agus an....................sin, an freag-róir, agus thug a n-aturnaetha faoi seach aithne orthu, agus d’admhaigh siad féin i láthair na gcigirí sin agus Chláraitheoir sin na hArd-Chúirte agus i láthair a n-aturnaetha faoi seach gurbh iad an t-achainíoch agus an freagróir iad faoi seach sa chúis.

(Arna shíniú) ....................
Cláraitheoir.

_______

Uimh. 9.

O. 70, r. 32 (7)

MIONN NA LIA-CHIGIRÍ.

[Ceannteideal mar atá i bhFoirm Uimh. 1].

Is sinne na lia-chigirí a ceapadh i gcúis san Ard-Chúirt arb achainíoch inti agus ar freagróir inti...................., ....................chun scrúdú a dhéanamh ar bhaill agus orgáin ghiniúna an achainígh sin, agus ar bhaill agus orgáin ghiniúna an fhreagróra sin freisin.

Mionnaímid, faoi seach, dar Dia na nUilechumhachtaí, go ndéanfaimid go fírinneach agus go feadh ár scile scrúdú ar bhaill agus orgáin ghiniúna an....................sin, an t-achainíoch, agus freisin ar bhaill agus orgáin ghiniúna an....................sin, an freagróir, agus go dtabharfaimid tuarascáil chóir fhírinn-each i scríbhinn an bhfuil seisean, an....................sin, inniúil ar ghníomh na giniúna a dhéanamh, agus mura bhfuil, an féidir an neamh-inniúlacht sin a mhaolú nó a chur ar ceal le healaín nó le scil, agus freisin cibé acu atá nó nach bhfuil uirthise, an...................sin, aon bhac óna taobh sise ar cosc é ar an bpósadh a chur i gcrích, agus an féidir an bac sin (más ann) a mhaolú nó a chur ar ceal le healaín nó le scil, agus go ndéanfaimid an tuarascáil sin faoinár láimh a sheoladh, i gclúdach séalaithe, leis an bpost cláraithe chuig Máistir na hArd-Chúirte, na Ceithre Chúirt, Baile Átha Cliath.

(Arna shíniú) ....................

(Arna shíniú) ....................

Arna mhionnú ag na cigirí sin i.................... Dé....................             an....................lá de...................., 20...................., os mo chomhairse, Cláraitheoir don Ard-Chúirt.

................................................
Cláraitheoir.